Ei anna historie; norsk mellomalder i arkeologisk lys

Mellomalderen - frå slaget på Stiklestad i 1030 til reformasjonen i 1537 - var ei tid som forvandla det norske samfunnet fullstendig. Noreg gjennomgjekk ei sterk utvikling på dei fleste felt, men også kriser, nedgang og atter ny vekst. Kunnskapen om denne perioden er til no i stor grad vorte for [...]
Visa längre beskrivning

Mellomalderen - frå slaget på Stiklestad i 1030 til reformasjonen i 1537 - var ei tid som forvandla det norske samfunnet fullstendig. Noreg gjennomgjekk ei sterk utvikling på dei fleste felt, men også kriser, nedgang og atter ny vekst. Kunnskapen om denne perioden er til no i stor grad vorte formidla gjennom skriftlege kjelder, som i Noreg er både få og lite representative for størsteparten av samfunnet. Dei fleste menneska etterlét seg ingen spor i skrift, men det finst likevel eit rikt materiale av gjenstandar, bygningar og arkeologisk materiale som kan fortelje oss langt meir om denne tidsalderen. Særleg gjennom dei siste førti åra er det vorte utført ei lang rekkje arkeologiske undersøkingar som har gitt ny kunnskap, men denne er til no ikkje i særleg mon vorte samla og systematisert. Denne boka samlar og ordnar delar av denne kunnskapen, og viser korleis dei materielle kjeldene både kan fortelje ein eigen historie og utfylle tidlegare framstillingar bygd på skriftlege kjelder. Samla sett viser materialet kor gjennomgripande det norske samfunnet vart endra og integrert i den europeiske kulturkrinsen. Øystein Ekroll er magister i arkeologi og forskar ved Nidaros Domkirkes Restaureringsarbeider i Trondheim.